हिंदुजा ग्लोबल सोल्युशन्स कडून प्रति शेअर रु.१५०/- चा लाभांश जाहीर I Hinduja Global Solutions declares Dividend of Rs. 150/- per share I
हिंदुजा ग्लोबल सोल्युशन्स कडून प्रति शेअर रु.१५०/- चा लाभांश जाहीर.
हिंदुजा समूहाची व्यवसाय प्रक्रिया व्यवस्थापन संस्था, हिंदुजा ग्लोबल सोल्युशन्स (HGS) ने आज चालू आर्थिक वर्षाकरिता प्रति शेअर रु.१५०/- चा तिसरा अंतरिम लाभांश जाहीर केला. कंपनीने हा लाभांश देण्यासाठी १८ जानेवारी ही तारीख निश्चित केली आहे.
२७ जानेवारी रोजी किंवा त्यापूर्वी पात्र भागधारक आणि सदस्यांना लाभांश दिला जाईल.
कंपनीच्या बोर्डाने १:१ प्रमाणात नवीन बोनस शेअर्स जारी करण्याच्या शिफारशीलाही मान्यता दिली आहे, कंपनीमध्ये असलेल्या प्रत्येक शेअरसाठी गुंतवणूकदारांना अतिरिक्त हिस्सा मिळेल.
स्टॉकची तरलता वाढवण्यासाठी तसेच गुंतवणूकदारांना परवडण्याजोगे बनवण्यासाठी स्टॉकची किंमत कमी करण्याच्या उद्देशाने कंपनी त्यांच्या भागधारकांसाठी बोनस शेअर जारी करते.
बोनस शेअर्स हे कंपनीने विद्यमान भागधारकांना दिलेले अतिरिक्त शेअर्स असतात .
जेव्हा एखादी फर्म बोनस शेअर्स जारी करते, तेव्हा त्याच्या भागधारकांना ते मिळविण्यासाठी कोणतेही अतिरिक्त खर्च करावे लागत नाहीत. तुम्हाला मिळणार्‍या बोनस शेअर्सची संख्या तुम्ही आधीपासून धारण केलेल्या फर्मच्या शेअर्सच्या संख्येवर अवलंबून असते.
हिंदुजा ग्लोबल सोल्युशन्सने आशियातील सर्वात मोठ्या खाजगी पर्यायी गुंतवणूक संस्थांपैकी एक असलेल्या बॅरिंग प्रायव्हेट इक्विटी एशिया (BPEA) शी संलग्न असलेल्या Betaine BV ला त्यांच्या आरोग्य सेवा व्यवसायाची विक्री देखील पूर्ण केली आहे.
या व्यवहाराचे मूल्यांकन $१२०० दशलक्ष आहे. शुक्रवारच्या डीलमध्ये हिंदुजा ग्लोबल सोल्युशन्सचे शेअर्स BSE वर २०% लोअर सर्किटमध्ये लॉक झाले होते. गेल्या एका वर्षात, स्क्रिप सुमारे १५० % वाढली आहे, ज्यामुळे त्यांच्या गुंतवणूकदारांना मोठा परतावा मिळाला आहे.या करारामागील धोरणात्मक विचार स्पष्ट करताना, वाय एम काळे, अध्यक्ष, हिंदुजा ग्लोबल सोल्युशन्स, म्हणाले, “हे वितरण कंपनीचे मूल्यवर्धन करणारे असून इतर सर्व विभागांचा व्यवसाय वाढवण्यासाठी भांडवल उपलब्ध करेल.
भाग भांडवल बाजाराची सौंदर्यस्थळे – लेखक : डॉ. अमित बागवे (Basics of Share Market) ‘ई बुक’ मोफत वाचण्यासाठी किंवा खरेदी करण्यासाठी लिंक वर क्लिक करा .. धन्यवाद ! https://amzn.to/3idYtD7
बदलत्या काळाची गुंतवणूक म्युच्युअल फंड : लेखक – डॉ अमित बागवे ‘ई बुक’ मोफत वाचण्यासाठी किंवा खरेदी करण्यासाठी लिंक वर क्लिक करा https://amzn.to/3jrjUSo
