लोकांच्या जीवनात आनंद निर्माण करणारा The Picnic Man सुनील आव्हाड

“जग पाहोनि करावे प्रवास। विचार करावा स्वानुभवास॥”

कल्याणच्या मध्यमवर्गीय कुटुंबात जन्मलेला एक साधा मुलगा… नाव सुनील आव्हाड. वडिलांचे किराणा दुकान, आई–बाबांचे कष्ट आणि साधीच स्वप्ने. पण या मुलाच्या मनात एक मोठं स्वप्न होतं—”मी माझ्या जीवनातून काहीतरी वेगळं करेन.”

बालपणी हुशार असलेला सुनील, शाळेबाहेरचं जग पाहू लागला आणि अभ्यासापासून थोडा दुरावला. १०वी नंतर त्याला military मध्ये जायचं होतं—“देशाची सेवा करायची” हा पक्का निर्धार होता. पण परिस्थिती वेगळेच मार्ग दाखवू लागली.

ट्रेकिंग आणि फोटोग्राफी – जीवन बदलणारा क्षण

दहावीनंतर त्याला ट्रेकिंगचे वेड लागले. डोंगर, निसर्ग, लोक, अनुभव—जिथे जातो तिथे जग पाहण्याची त्याची नजर बदलू लागली.
यातून जन्म झाला फोटोग्राफीचा.
१९९८ मध्ये खडकपाडा येथे छोटासा स्टुडिओ सुरू केला.

पण काही काळातच जग डिजिटल होत गेले… आणि सुनीलला जाणवलं—
“टेक्निकल रेसमध्ये मी नाही टिकणार… पण जग पाहण्याच्या आवडीतून मी आयुष्य उभं करू शकतो!”

आणि ट्रॅव्हलिंगकडे वळण्याचा निर्णय त्याने घेतला.

व्यवसाय शिकवणारे किराणा दुकान

बाबांचे किराणा दुकान—हेच त्याचे खरं Business School!
रोजच्या खरेदी-विक्रीतून लोकांशी बोलणे, त्यांना समजून घेणे, त्यांची गरज ओळखणे… ही सर्वात मोठी शिकवण त्याला इथंच मिळाली.

Sakhi Travel ते The Picnic Man – प्रवासाची नवी दिशा

फोटोग्राफी करत असतानाच त्याने स्टुडिओत तिकिट बुकिंग, पासपोर्ट असिस्ट, कार रेंटल, टूर पॅकेजेस अशी सेवा सुरू केली—नाव ठेवलं Sakhi Travel.

काम वाढत गेलं, पण एक समस्या जाणवली—
लोकांना वाटू लागलं की Sakhi Travel फक्त महिलांसाठी आहे!

त्यामुळे नवीन नावाची गरज निर्माण झाली.
तेव्हा सुनीलने ठरवलं—नाव असं पाहिजे जे लोकांच्या मनात लगेच बसावं… जे प्रवासाची आठवण करून देईल… जे अनुभव देईल.

आणि अशा नावाचा जन्म झाला—

The PICNIC MAN

सोशल मीडिया टीमने नावावर काम करून अप्रतिम लोगो आणि टॅगलाइन तयार केली.
सहलींच्या अनुभवाला दिलेला नवा चेहरा आता लोकांच्या मनापर्यंत पोहोचू लागला.

पहिली ग्रूप टूर – आयुष्याचा धडा

पहिली मोठी टूर – सीनिअर सिटिझन वैष्णोदेवी–अमृतसर.
ही सहल सुनीलला शिकवून गेली—
“सहल म्हणजे फक्त प्रवास नाही, ती लोकांच्या आनंदाची, सुरक्षिततेची आणि भावनांची जबाबदारी आहे.”